లీడర్ భాస్కర్ న్యూస్ (ఇరగవరం) ఇరగవరం    మండల ప్రజా పరిషత్ సర్వ సభ్య సమావేశం ఎంపీపీ కొప్పిశెట్టి అలివేలు మంగతయారు అధ్యక్షతన బుధవారం జరిగింది. ఈ కార్యక్రమానికి ముఖ్య అతిధిగా తణుకు MLA ఆరిమిల్లి రాధాకృష్ణ  హాజరయ్యారు. ఈ సమావేశంలో శాఖల వారీగా సంబంధిత శాఖల అధికారులుతో మండలంలో ప్రస్తుతం అమలు జరుగుతున్న వివిధ అభివృద్ధి పనులు, సంక్షేమ పధకాలకు సంబంధించి చర్చించారు. ఈ సందర్బంగా MLA  రాధాకృష్ణ  మాట్లాడుతూ గడచిన 3 సంవత్సరాల కాలంలో ఎంపీటీసీ, సర్పంచులకు ఏ విధమైన గుర్తింపు లేదన్నారు. గ్రామాల్లో అభివృద్ది  కొరవైందన్నారు. రాబోయే 2సంవత్సరాల్లో కూటమి ప్రభుత్వంలో ఎంపీటీసీ, సర్పంచులకు పూర్తి సహకారం ఉంటుందన్నారు. ప్రతీ గ్రామంలో క్లీన్ & గ్రీన్ లా ఉండేలా ప్రజలను కూడా భాగస్వామ్యం చేయాలన్నారు.సెప్టెంబర్ మొదటి వారం నుంచి జరగబోయే రెవెన్యూ సదస్సులో  రైతులు ఎవరికైనా భూ సమస్యలు ఉంటే 45 రోజుల పరిధిలో పరిష్కరిస్తారని, ఈ అవకాశం ఇరగవరం మండల రైతులు ఉపయోగించుకోవాలన్నారు.గ్రామాల అభివృద్ధికి ఉప ముఖ్యమంత్రి పవన్ కళ్యాణ్  ఆదేశాలుతో 15వ వార్షిక ఫైనాన్స్ నిధులను నేరుగా పంచాయతీలకు ఇచ్చి సర్పంచ్ లకు పూర్తి స్థాయిలో అధికారాలు ఇచ్చి వారికి అరుదైన గౌరవం ఇవ్వనున్నారని తెలియజేశారు..