లీడర్ న్యూస్ (ఇరగవరం) అర్జునుడుపాలెం గ్రామ పంచాయతీ పాలకవర్గం 5 ఏళ్ల పదవికాలం మరో నెలలో పూర్తి అవుతున్న సందర్భంగా సోమవారం గ్రామ సర్పంచ్ పోతుల గంగాధరరావు ఆధ్వర్యంలో పాలకవర్గ ఆత్మీయ సమావేశం నిర్వహించారు. ఈ సందర్భంగా గంగాధర రావు మాట్లాడుతూ గ్రామ అభివృద్ధి కి పాలకవర్గం అందించిన సహకారం అభినందనీయమని, పాలకవర్గం తో పాటు గ్రామ ప్రజలు అందించిన సహకారం మరువలేనిదని వారికి కృతజ్ఞతలు తెలిపారు. ఈ సందర్భంగా పాలకవర్గ సభ్యులను గంగాధరరావు శాలువాలతో సత్కరించి జ్ఞాపిక ను బహుకరించారు. అనంతరం గంగాధరరావు ఆధ్వర్యంలో గ్రామానికి చెందిన యువకులు సుమారు 30 మంది జనసేన పార్టీ లోకి చేరారు. వీరికి కండువా కప్పి పార్టీలోకి ఆహ్వానించారు. ఈ కార్యక్రమం లో తెదేపా జిల్లా ఉపాధ్యక్షులు గోపిశెట్టి రామకృష్ణ, మండల టీడీపీ అధ్యక్షులు పోతిరెడ్డి శ్రీనివాస్, కూటమి నాయకులు అనుకూల రమేష్, కాట్నం విశాలి, అకేటి కాశీ, బెజవాడ సూరి, గ్రామ ప్రజలు, పంచాయితీ సిబ్బంది తదితరులు పాల్గొన్నారు.