ఈ హోం రెమెడీస్‌తో తెల్ల గడ్డాన్ని నల్లగా మార్చుకోండి: వయస్సుతో సంబంధం లేకుండా చాలా మందికి తెల్ల జుట్టు వస్తుంది. ఈ తరుణంలో మార్కెట్‌లో లభించే క్రీములు జుట్టును మరింత డ్యామేజ్ చేస్తున్నాయి.

మార్కెట్‌లోని ఉత్పత్తుల్లోని రసాయనాలు జుట్టు మరియు చర్మంపై ప్రభావం చూపుతాయి మరియు సమస్యలను కలిగిస్తాయి. అయితే వీటన్నింటి నుంచి బయటపడాలంటే వంటగదిలో దొరికే పదార్థాలతో తెల్లగడ్డాన్ని నల్లగా మార్చుకోవచ్చునని నిపుణులు సూచిస్తున్నారు. ఆ వివరాలేంటో ఇప్పుడు తెలుసుకుందాం.

ఉసిరి నూనె..

చిన్న వయసులో తెల్ల గడ్డం సమస్యతో బాధపడే వారికి ఉసిరి నూనె మంచి ఎంపిక. ఉసిరికాయలో యాంటీ ఆక్సిడెంట్లు పుష్కలంగా ఉంటాయి. వీటితో తెల్లజుట్టు నల్లగా మారడం సులభం. అంతేకాకుండా, ఇది జుట్టు మరియు చర్మంపై ఎటువంటి చెడు ప్రభావాన్ని చూపదు. అందువల్ల ఉసిరి నూనెను గడ్డంపై తరచుగా మసాజ్ చేయాలి. ఇలా రాత్రంతా చేసి ఉదయాన్నే స్నానం చేసేటప్పుడు కడుక్కోవాలి. ఈ మేరకు 2016లో ఇంటర్నేషనల్ జర్నల్ ఆఫ్ డెర్మటాలజీలో ఓ నివేదిక వెలువడగా.. 6 నెలల పాటు రోజుకు రెండుసార్లు ఉసిరి నూనెను గడ్డంపై రాసుకుంటే గడ్డం నల్లగా మారుతుంది. గడ్డం పెరగడం మరియు రంగు త్వరగా మారుతుందని కూడా తేలింది.

బ్లాక్ టీ..

గడ్డం మీద బ్లాక్ టీని రెగ్యులర్ గా అప్లై చేయడం వల్ల తెల్ల గడ్డం నల్లగా మారుతుంది. చల్లబడిన బ్లాక్ టీని గడ్డంపై ప్రతిరోజూ రాయండి. దాదాపు 30 నిమిషాల పాటు అలాగే ఉంచి తర్వాత కడిగేయాలి. ఇలా చేయడం వల్ల తెల్లగడ్డం నల్లగా మారుతుందని నిపుణులు చెబుతున్నారు.

ఉల్లిపాయ రసం

ఉల్లిపాయ రసం చేసి గడ్డానికి పట్టించాలి. సుమారు 15 నుండి 20 నిమిషాల పాటు అలాగే ఉంచి గోరు వెచ్చని నీటితో కడగాలి. ఇలా చేయడం వల్ల గడ్డం కూడా నల్లగా మారుతుంది. ఉల్లిపాయ రసంలో ఉండే సల్ఫర్ వంటి అనేక పోషకాలు గడ్డాన్ని నల్లగా మార్చడంలో సహాయపడతాయి.